Sunday, July 27, 2014

Written on

මාධ්‍ය දඩයමේ තවත් පැත්තක් - නි.මා.ව්‍යා.

ශ්‍රී ලංකා පුවත්පත් ආයතනය විසින් සංවිධානය කරන ලද මාධ්‍ය වැඩ මුළුවකට සහභාගී වීමට යාපනයේ සිට කොළඹ බලා ගමන් ගනිමින් සිටියදී තමන් සිටි වාහනයට ගංජා ස්වල්පයක් සහිත සිගරට් පැකට්ටුවක් දමන ලද්දේ රැවුල වවා ගත් පුද්ගලයකු බවත් ඔහු හමුදා භටයකු බවත් එම වාහනයේ සිටි මාධ්‍යවේදියෙක් ගොසිප්9 ට ප්‍රකාශ කළේය.

එහෙත් ඒ ගැන විමසීමක් කළ අවස්ථාවේ ශ්‍රී ලංකා යුද හමුදාවේ ප්‍රකාශක බ්‍රිගේඩියර් රුවන් වනිගසූරිය එම ප්‍රකාශය බැහැර කරමින් කියා සිටියේ, යුද හමුදා භටයන් මත්ද්‍රව්‍ය දැමූ බවට කරන ප්‍රකාශයේ කිසිම පදනමක් නොමැති අතර ඒවා සොයා ගෙන ඇත්තේ පොලිස් නිලධාරීන් දෙදෙනකු විසින් වන බවයි.

Saturday, July 26, 2014

Written on

ෆේස්බුක් ගිණුම අත්හිටුවන්නයි පෙත්සම් ලක්‍ෂ 50ක් ගහලා !

බොදු බල සේනා සංවිධානයේ ප්‍රධාන ‍ලේකම් ගලගොඩඅත්තේ ඥානසාර හිමියන්ගේ සහ අමාත්‍ය පාඨලී චම්පික රණවක මහතාගේ ෆේස්බුක් ගිණුම් අවලංගු කරන ලෙස ඉල්ලමින් ඇමෙරිකාවේ ෆේස්බුක් සමාගමට පැය 24ක් තුළ ලක්ෂ 12කට ආසන්න පැමිණිලි සංඛ්‍යාවක් ලැබි ඇතැයි වාර්තා වේ.

එසේම බොදු බල සේනා සංවිධානය නමින් පවත්වාගෙන යනු ලබන ෆේස් බුක් ගිණුම් අත්හිටුවන්නැයි ලක්ෂ 50කට ආසන්න පැමිණිලි සංඛ්‍යාවක් ඉදිරිපත් වී ඇති බවද සඳහන්ය.

මේ සම්බන්ධයෙන් කළ විමසුමකදී බොදු බල සේනා සංවිධානයේ ප්‍රධාන ‍ලේකම් ගලගොඩඅත්තේ ඥානසාර හිමියන් පැවසුවේ වෛරීසහගත ප්‍රකාශ ඉදිරිපත් කිරීම හේතුවෙන් තම ගිණුම් අවලංගු කරන බව තමාට ෆේස්බුක් බලධාරීන් විසින් දැනුම් දී ඇති බවයි.
Written on

ශ්‍රී ලංකාවට සුදේශ්ගෙන් රිදී පදක්කමක් !

ස්කොට්ලන්තයේ ග්ලාස්ගෝ නුවර පැවැත්වෙන 2014 පොදුරාජ්‍ය මණ්ඩලීය ක්‍රීඩා උළෙලේදී කිලෝග්‍රෑම් 62 පන්තියේ බර ඉසිලීමේ තරඟයෙන් රිදී පදක්කමක් දිනා ගැනීමට ශ්‍රී ලංකාවේ සුදේශ් පිරිස් සමත්විය.

මෙය මෙවර පොදුරාජ්‍ය මණ්ඩලීය ක්‍රීඩා තරඟාවලියේ දී මේ දක්වා ශ්‍රී ලංකාව ලබාගත් පළමු පදක්කමයි.

සුදේශ් මෙම තරඟාවලියට සහභාගී වන ශ්‍රී ලංකා කණ්ඩායමේ නායකයා වන අතර ආරම්භක උත්සවයේදී ශ්‍රී ලංකා ධජය රැගෙන යන ලද්දේද ඔහු විසිනි.

Friday, July 18, 2014

Written on

තවත් මැලේසියානු ගුවන් යානයක් කඩා වැටෙයි !

තවමත් අභිරහසක්ව පැවතෙන MH 370 ගුවන් යානයෙන් පසුව තවත් මැලේසියානු ගුවන් යානයක් රුසියානු දේශ සීමාව අසලට මෙයට ටික වෙලාවකට පෙර කඩා වැටී ඇත.  

ඇම්ස්ටර්ඩෑ,ම් සිට ක්වාලාලාම්පුර් දක්වා ගමන් ගත් MH17 ගුවන් යානය මෙසේ අනතුරට පත්ව ඇත්තේ මගීන් 295 දෙනෙකුද සමගිනි. මෙම ගුවන් යානය කඩා වැටීමට ලෙස විදෙස් මාධ්‍යය සඳහන් කරනු ලබන්නේ එය රුසියාව විසින් සිදු කරනු ලැබූ වෙඩි තැබීමක ප්‍රතිඵලයක් විය හැකි බවයි.  

පසුගිය ජුලි 14 වනදා අට දෙනෙකු ගමන්ගත් ජෙට් යානයක් කඩා වැටීම ටද ඇමෙරිකාව විසින් චෝදනා එල්ලකොට තිබුනේ රුසියාව වෙතයි. 

Monday, July 14, 2014

Written on

ලෝක කුසලාන අවසන් තරගය අතරතුර ක්‍රීඩා පිටියේ සිදුවූ මාධ්‍යවේදීන් ‍නොදුටු අනපේක්ෂිත සිදුවීම (Video)

අද අලුයම අවසන් වූ 2014 පාපන්දු ලෝක කුසලාන අවසන් තරගය අතරතුර මරකානා ක්‍රීඩා පිටියේ සිදු වූ සුවිශේෂි සිදු වීමක් පිළිබඳව සමාජ ජාල වෙබ් අඩවි භාවිත කරන්නන්ගේ දැඩි අවධානයක් යොමුව තිබේ.

එම සිදුවීම වූයේ, ජර්මනිය සහ ආර්ජන්ටිනාව අතර පැවති අවසන් තරගයේ දෙවන අර්ධයේදී රුසියානු විකට නළුවෙකු වන විටලි (Vitaly Zdorovetskiy) හදිසියේ ම ක්‍රීඩා පිටියට කඩා වැදීම ය.

Thursday, July 3, 2014

Written on

සචින් තෙන්ඩුල්කාර් කියන්නේ කවුද ?

විම්බල්ඩන් තරඟාවලියේ මාධ්‍ය හමුවක දී ලෝක ටෙනිස් ක්‍රීඩා ශූරියක වන මරියා ෂරාපෝවා සුපිරි ක්‍රිකට් ක්‍රීඩක සචින් තෙන්ඩුල්කාර් සම්බන්ධයෙන් කළ ප්‍රකාශයක් හේතුවෙන් ඉන්දීය ක්‍රිකට් ලෝලීහු කැළඹීමට පත්ව සිටිති.

ඇය ක්‍රීඩා කළ තරඟයක් නැරඹීමට පැමිණි ලෝක ප්‍රසිද්ධ ක්‍රීඩා තරු ගැන කළ විමසීමකදීයි, මරියා ෂරාපෝවා එම ප්‍රකාශය කර තිබෙන්නේ.

පාපන්දු ක්‍රීඩක ඩේවිඩ් බෙකම් ඉතා හොඳ ක්‍රීඩකයෙකු බව කියා සිටි මරියා ෂරපෝවා, ඉන්දීය ක්‍රිකට් ඉතිහාසයේ නම් තැබූ සචින් තෙන්ඩුල්කාර් ද ඔබේ තරඟය නැරඹුවා නේදැයි මාධ්‍යවේදියා විමසූ විට සචින් කියන්නේ කවූදැයි පෙරලා ප්‍රශ්න කළාය.
Written on

ගෝඨාභයත් බොදු බල සේනාවත් අතර සම්බන්ධයක් නෑ

ආරක්ෂක ලේකම් ගෝඨාභය රාජපක්ෂ බොදු බල සේනා සංවිධානයේ කිසිදු වැඩසටහනකට සහභාගි වී නැතැයි ආරක්ෂක අමාත්‍යාංශය ප්‍රකාශ කරයි.

පසුගිය වසරේ මාර්තු මාසයේ ගාල්ලේ පැවති මෙත්සෙවණ නම් ආයතනයක් විවෘත කිරීමේ උත්සවයට ආරක්ෂක ලේකම්වරයා සම්බන්ධ වීම, ඔහු සහ බොදු බල සේනාව අතර බැඳීමක් තිබෙන බවට චෝදනා එල්ල වීමට හේතු වූ බවයි, හමුදා ප්‍රකාශක බ්‍රිගේඩියර් රුවන් වනිගසූරිය මාධ්‍යවේදීන් හමුවේ කියා සිටියේ.

බොදු බල සේනාවේ භික්ෂූන් වහන්සේ එම වැඩසටහනට සහභාගි වී සිටියත් ආරක්ෂක ලේකම්වරයා එයට සහභාගි වූයේ පිළිගත් ස්වාමීන් වහන්සේ නමක් වන කිරම විමලජෝති හිමියන්ගේ බෞද්ධ සංස්කෘතික මධ්‍යස්ථානයෙන් ලද ආරාධනාව අනුව පමණක් බව ද බ්‍රිගේඩියර්වරයා සඳහන් කළේය.

Wednesday, July 2, 2014

Written on

යළි ගොඩනැගෙන අලුත්ගම නවතම තොරතුරු

ජීවිත තුනක් බිලි ගනිමින් සහ නිවාස හා ව්‍යාපාරික ස්ථාන එක සිය තිස් හතකට ආසන්න ප්‍රමාණයකට හානි සිදු කරමින් ජුනි පහළොස් වැනිදා අලුත්ගම සහ බේරුවල පැතිර ගිය කෝලාහලවලින් අනතුරුව ප්‍රදේශවාසීන් මේ වන විට යලිත් සිය සාමාන්‍ය දිවි පෙවෙත ගත කිරීමට උත්සාහ දරමින් සිටියි.

විනාශ වූ නිවාස යළි ඉදි කිරීමට මෙන්ම කෝලාහල හේතුවෙන් හට ගත් මානසික කම්පනයට පිළියම් යෙදීමටත් බලධාරීන් මෙන්ම ස්වේච්ඡා සේවකයන්ද කටයුතු කරති.

Tuesday, July 1, 2014

Written on

එක්සත් ජාතීන්ගේ පරීක්ෂණ පිළිබඳ ආණ්ඩුවේ සාකච්ඡා

ශ්‍රී ලංකාව මුහුණ පා සිටින තීරණාත්මක ගැට‍ළු පිළිබඳව සාකච්ඡා කිරීමේ අරමුණින් ජනාධිපති මහින්ද රාජපක්ෂගේ ප්‍රධානත්වයෙන් ආණ්ඩුවේ පාර්ලිමේන්තු කණ්ඩායම රැස් වෙමින් සිටියි.

යුද්ධයේ අවසාන භාගයේ දී මානව හිමිකම් උල්ලංඝනය වූ බවට නැගෙන චෝදනා සම්බන්ධයෙන් එක්සත් ජාතීන්ගේ මානව හිමිකම් කොමිසම විසින් පැවැත්වීමට නියමිත පරීක්ෂණ පිළිබඳ ආණ්ඩුවේ ක්‍රියාකාරී සැලැස්ම ඇතුළු කරුණු ගණනාවක් බේරුවල, මොරගල්ලේ සිනමන් බේ හෝටලයේ දී පැවැත්වෙන මෙම හමුවේ දී සාකච්ඡා කෙරෙනු ඇති බවයි, ජනමාධ්‍ය වාර්තා කරන්නේ.

Monday, June 30, 2014

Written on

ඥානසාර හිමිට ඇමරිකාවට ඇතුළුවීම තහනම් කෙරේ

ඇමරිකාවට ඇතුළුවීම සඳහා බොදුබල සේනා මහලේකම් පූජ්‍ය ගලගොඩඅත්තේ ඥානසාර හිමියන්ට ලබා දී තිබූ වීසා බලපත‍්‍රය අහෝසි කර තිබේ.

ඇමරිකානු රාජ්‍ය දෙපාර්තමේන්තුව විසින් මෙසේ උන් වහන්සේගේ වීසා බලපත‍්‍රය තාවකාලිකව අත්හිටුවා ඇති අතර මෙරට ඇමරිකානු තානාපති කාර්යාලය විසින් ඥානසාර හිමියන්ට මේ බව දැනුම් දී ඇති බවද වාර්තා වේ.