Tuesday, April 22, 2014

Written on

[DEHI NEWS] බොදු බලයේ පිළිවෙත බුදු දහමට පටහැනියි - බද්දේගම සමිත හිමි

භික්ෂූන් ක්‍රියාකාරී දේශපාලනයේ නොයෙදිය යුතු බවට මතයක් ගොඩනැගීමට හේතු වී ඇත්තේ බොදු බල සේනාව ඇතුළු භික්ෂු සංවිිධානවල කලහකාරී හැසිරීම බව, දකුණු පළාත් සභා මන්ත්‍රී බද්දේගම සමිත හිමියෝ පවසති.

ඔවුන් කටයුතු කරන්නේ ද්වේශයෙන්, වෛරයෙන්, විරුද්ධවාදීන්ට තර්ජනය කරමින්, පහරදෙමින් බවත්, මෙම භික්ෂූන්ගේ ක්‍රියාකලාපය බුදු දහමට කිසිසේත්ම නොගැළපෙන බවත් පවසන සමිත හිමියෝ, බුදුන් වහන්සේ කිසි දිනෙක විරුද්ධ මත දරන අයට පහරදීමට හෝ හෙළාදැකීමට උගන්වා නැති බවද පෙන්වා දෙති.

තම දේශපාලනය, මේ පිරිසගේ දේශපාලනයට වඩා සම්පූර්ණයෙන්ම වෙනස් බවද සමිත හිමි පවසයි. සමිත හිමියන් මේ බව පවන්නේ ලක්බිම පුවත්පත සමග සම්මුඛ සාකච්ඡාවකට එක් වෙමිනි.

Monday, April 21, 2014

Written on

කොරියානු නැවේ කාර්ය මණ්ඩලය ජනපති දෝෂ දර්ශනයට

පසුගියදා මුහුදුබත් වුණු දකුණු කොරියානු නෞකාවේ කපිතාන්වරයා සහ කාර්යමණ්ඩලය අනතුර සිදු වූ අවස්ථාවේ ක්‍රියා කළ ආකාරය දකුණු කොරියානු ජනපතිනි පාර්ක් උන් හෙයේ ගේ දැඩි දෝෂදර්ශනයට ලක් වී තිබේ.

නැව මුහුදුබත් වෙමින් තිබිය දී කපිතාන්වරයා සහ කාර්යමණ්ඩලය නැවෙන් පිටවීම මිනී මැරීමට තැත්කිරීමට සමාන ක්‍රියාවක් බව පවසන ජනාධිපතිවරිය,ඔවුන් ගත් පියවර කිසිසේත්ම අනුමත කළ නොහැකි බවයි කියා සිටින්නේ.
Written on

දෙමළ සංවිධාන ලංකාවට සම්බාධක දාන්න හදයි

ශ්‍රී ලංකා ආණ්ඩුව විසින් එල්.ටී.ටී.ඊ. හිතවාදී ජාත්‍යන්තර සංවිධාන තහනම් කිරීමට ගත් ක්‍රියාමාර්ගය පිළිබඳව විරෝධය පළකරමින්, කැනඩවේ සිට ක්‍රියාත්මක වන දෙමළ සංවිධාන 80ක් පමණ කරුණු 34කින් යුත් වාර්තාවක් සකස් කර ඇතැයි වාර්තා වේ.

මෙම කරුණු 34ම දෙමළ ඊලාම් දේශපාලන ක්‍රියාකාරකම් හා සම්බන්ධ බවත්, ඒ හරහා ඔවුන් ශ්‍රී ලංකාවට ජාත්‍යන්තර බලපෑම් සිදුකිරීමට කටයුතු කරමින් සිටින බවත් එම වාර්තා තවදුරටත් පෙන්වා දෙයි.
Written on

කැසිනෝ ව්‍යාපෘතියෙන් කෝටි තුන්සියයක පාඩුවක්

විශේෂ බදු සහන ලබාදෙමින් මහා පරිමාන කැසිනෝ ව්‍යාපෘති දෙකක් හඳුන්වා දීමට මීට මාස කිහිපයකට ඉහතදී ගත් උත්සාහය මහ නායක හිමිවරුන් සහ විපක්ෂයේ විරෝධය මත හකුලාගත් ආණ්ඩුව, කැසිනෝ ව්‍යාපෘතිය යලිත් හඳුන්වා දීමට සැරසෙන බවට ජනතා විමුක්ති පෙරමුණ චෝදනා කරයි.

ශ්‍රී ලංකාවට ඩොලර් කෝටි තුන්සීයක පමණ බදු ආදායමක් අහිමි කෙරෙන කැසිනෝ ව්‍යාපෘතිය සම්බන්ධ ගැසට් තුනක් ඉදිරි සතියේ විවාදයට ගැනීමට නියමිත බවයි, ජනතා විමුක්ති පෙරමුණේ ප්‍රචාරක ලේකම් විජිත හේරත් කොළඹදී මාධ්‍යවේදීන් හමුවේ අදහස් දක්වමින් කියා සිටියේ.

" කැසිනෝ සූදුව යනු ගණිකාව, සුරාව, සූදුව යන සියල්ල ව්‍යාප්ත කරන ව්‍යාපාරයක්. ඒ වගේම කළු සල්ලි සුදු කරන, පාදඩ ආර්ථිකය, අපරාධ, ප‍්‍රචණ්ඩත්වය, දේශපාලන බලය මෙහෙයවන එකක්. සමාජ අපරාධ වර්ධනය කරන ව්‍යාපාරයක්. එය ගමේ බූරුපොළකට එහා ගිය භයානක ප‍්‍රතිඵල අත්කරදෙන ව්‍යාපාරයක්, " යනුවෙන් ඔහු කියා සිටියේය.
Written on

ෆාබ්‍රේස්ගේ ඉවත්වීමේ උත්සාහයේ සැබෑ හේතුව මෙන්න

ශ්‍රී ලංකා ක්‍රිකට් කණ්ඩායමේ වත්මන් පුහුණුකරු ශ්‍රී ලංකාව හැරයාමේ අවදානමකට ලක්ව තිබීම නිසා අද (21) ක්‍රිකට් විධායක කමිටුව විශේෂ සාකච්ඡාවක් කැඳවා ඇතැයි වාර්තා වේ.

එසේම ශ්‍රී ලංකා පුහුණුකරු පොල් ෆාබ්‍රේස් මහතා අද (21) දිවයිනට පැමිණීමට නියමිත බවත්, ශ්‍රී ලංකා ක්‍රිකට් බලධාරීන් සමග ඔහු සාකච්ඡාවක් පැවැත්වීමට නියමිත බවත් මේ අතර වාර්තා වේ.

ෆාබ්‍රේස් හා ශ්‍රී ලංකා ක්‍රිකට් අතර පරිවාස ගිවිසුම් කාලය ලබන ජ්‍ුනි මාසය දක්වා බල පැවැත්වෙන බවද පැවසේ.

Sunday, April 20, 2014

Written on

MH370 සෝදිසි මෙහෙයුම තීරණාත්මක සංධිස්ථානයක

පුද්ගලයන් 239 දෙනෙකු සමග අතුරුදන් වූ මැලේසියානු ගුවන් සේවයට අයත් MH370 යානය සොයා දකුණුදිග ඉන්දීය සාගරයේ සිදුකරන මෙහෙයුම ඉදිරි දින දෙක තුළදී තීරණාත්මක සංධිස්ථානයකට පැමිණෙනු ඇති බව මැලේසියාවේ වැඩබලන ප්‍රවාහන අමාත්‍යවරයා පවසා සිටියි.

හිෂාම්මුද්දීන් හුසේන් අමාත්‍යවරයා පෙන්වා දෙන්නේ ලබන සතියේදී සාගර පතුලේ සිදුකරන රොබෝ සබ්මැරීන මෙහෙයුම අවසන් වන බවය.

කෙසේ වෙතත්, බ්ලූෆීන් 21 රොබෝ සබ්මැරීනය මේ වනවිට මෙහෙයුම් හයක් සිදුකර තිබුණද, මේ වනතෙක් ඒ වෙත අතුරුදන් යානයේ කිසිදු සලකුණක් හමු නොවී ඇති බවද කියැවෙයි.
Written on

රණතුංග හරි; ක්‍රීඩයකයො ගාණට වැඩියි !

ශ‍්‍රී ලංකා ක‍්‍රිකට් ආයතනයේ ලේකම් නිශාන්ත රණතුංග ක‍්‍රිකට් ආයතනය තුල විශිෂ්ඨ මෙහෙයක් සිදු කරන බවත් ඔහුගේ වැරැද්දක් තමන් නොදකින බවත් ශ‍්‍රී ලංකා තේරීම් කමිටු සභාපති සනත් ජයසූරිය පවසයි.

සති අන්ත පුවත් පතක් හා සාකච්චාවට එක් වෙමින් ඔහු පවසන්නේ ක‍්‍රිකට් බලධාරීන් විවේචනය කරන්නට කිසිම ක‍්‍රීඩකයෙකුට අයිතියක් නැති බවත් සමහර ඉදිරිපෙල ක‍්‍රීඩකයන් තම සීමාව ඉක්මවා කටයුතු කරන බවත්ය.

ජයසුරිය එහිදී මෙසේද කිවේය.
Written on

පෙම්වතියගේ නිරුවත පෙන්වූ ෆේස්බුක් පෙම්වතා කූඩුවේ

ෆේස්බුක් සමාජ වෙබ් අඩවිය මගින් තරුණියක් හඳුනාගෙන ඇය සමග පේ‍්‍රම සබඳතාවක් පවත්වා පසුව ඇයගේ නිරුවත් ඡායාරූප අන්තර්ජාලයට මුදාහැරි තරුණයෙකු ගලේවෙල ප‍්‍රදේශයේදි අත්අඩංගුවට ගැනුණා. 

Gossip9 වාර්තාකරු පැවසුවේ සැකකාර තරුණයා ඇහැලියගොඩ ප‍්‍රදේශයේ පදිංචි 19 හැවිරිදි තරුණයෙකු බවයි. ඔහු ෆේස්බුක් සමාජ වෙබ් අඩවිය හරහා ගලේවෙල ප‍්‍රදේශයේ පදිංචි 24 හැවිරිදි තරුණියක සමග පේ‍්‍රම සබඳතාවක් ඇතිකර ගෙන තිබෙනවා.

වසරකට ආසන්න කාලයක් දෙදෙනා එම සබඳතාව පවත්වා ගෙන ගොස් ඇති බවයි මූලික විමර්ශනවලදී අනාවරණ වී තිබෙන්නේ. 
Written on

මීගමුව දෙවන රන් කොල්ලයේ මහමොළකරු හෙළිවේ !

Update 04:40pm
මංකොල්ලය සිදුවූ දා මීගමුව පොලිසියට නිවාඩුද ?

පසුගිය 17 වැනිදා රාත්‍රියේ පුෂ්පා ජුවලරි ආයතනයේ මංකොල්ල සිදුකරන ලද අවස්ථාවේ නගරයේ කිසිදු වීදියක පොලිසිය නොසිටි බවට ව්‍යපාරිකයන් මෙන්ම මහජනයාද චෝදනා කරති.

මෙම මංකොල්ලයට හරියටම මාස 2කට පෙර, ‍පෙබරවාරි 17 වනදා ජුවෙල් ලංකා මංකොල්ලයෙන් පසුව වුවද මීගමුව නගරය තුළ සැලැසුම්ගත ආරක්ෂිත වැඩපිළිවෙළක් නොතිබුණ බවද ව්‍යාපාරිකයන්ගේ අදහසයි.

විශේෂයෙන්ම අප්‍රේල් 17 වෙනිදා යනු ගෙවෙමින් ඇති උත්සව සමය මෙන්ම මහබ්‍රහස්පතින්දා දින දිව්‍ය පුජාවන් සදහා දහස් ගණන් කිතුණුවන් ගැවසෙන දිනකි. එහෙත් නගරයේ ප්‍රධාන ස්ථාන කිසිවක එකදු පොලිස් නිලධාරියෙකු හෝ සිට නැත. එපමණක් නොව මංකොල්ල සිදුවු ස්ථානයට පොලිසිය පැමිණ තිබුණේ මාධ්‍යකරුවන් පවා එහි ළගාවීමෙන් පසුව ය.
Written on

මාලිංගගේ මුම්බායි දෙවැනි වරටත් පරාජයට !

ඉන්දියානු ප්‍රිමියර් ලිග තරගාවලිය යටතේ මුම්බායි ඉන්දියන්ස් කණ්ඩායම හා රෝයල් චැලෙන්ජර්ස් බැංගලෝර් කණ්ඩායම අතර පැවැති තරගයෙන් කඩුලු 7ක තියුණු පහසු වාර්තා කිරීමට බැංගලෝර් කණ්ඩායම සමත්විය. 

ඒ අනුව ශ්‍රී ලංකාවේ ලසිත් මාලිංග නියෝජනය කරන මුම්බායි කණ්ඩායම තරගාවලියේ මේ දක්වා සහභාගීවූ තරග දෙකම පරාජය විය.

ලකුණු 116ක ජයග්‍රාහි ඉලක්කයක් හඹාගිය රාජස්ථාන් කණ්ඩායම පන්දුවාර 17.3කින් සිය ඉලක්කය සපුරා ගත්තේය.  බැංගලෝර් කණ්ඩායම වෙනුවෙන් සුපිරි පිතිහරඹයක නිරත වූ පාර්තිවු පටේල් තරගයේ වීරයා ලෙස සම්මාන ලැබීය.